عندي عليك أشهود أسلام ومسيح وبعض من اليهود وين تنكري
هذه قصيدة للشاعر المرحوم : عبدالله قراب المعروف باسم ( ابوريان )
الذي استشهد في مدينة مصراته من قبل كتائب الطاغية المقبور
اللهم ارحم شاعرنا واجعله من الشهداء الابرار
يقول الشاعر :
عندي عليك اشهود ..... اسلام ومسيح وبعض من اليهود ... وين تنكري
*****
عندي عليك اثبات ............ وعندي اوراق وفيه مستندات
وعندي محامي موكله بالذات ...... اسماه قلب من بين الحشا موجود
وعندي خلايا موش مرئيات ........ في جهاز المناعه واقفات اسدود
وعندي اكبيده تدقل ماتبات .......... تحلف عليها ناشها سمهود
وعندي اعصابي باعثه اشارات ..... نهلوس نغيب اشوي عالوجود
وعندي التنهيده اتجي زفرات ....... يغيب النفس ويرد لي اردود
وعندي وعندي شوق من حاجات ..... ماتنتسى وموثقه بالكود
*********
عندي عليك دلايل .................. اللي تنكره موجود ليه بدايل
وعلي عد ماداروا السيخ زمايل ..... واتباع موسى حرفوا التلموذ
وقداش النصارى قزنوا العوايل ..... والبيض كم استعبدوا من السود
وقداش ملحد للطبيعه مايل ....... وناكر اوجود الله بالمقصود
والتبت والهندوس ماني قايل ...... اعبدوا البقر ويسجدوا للبود
وحق من خلق فيك العيون ذبايل ..... وغثيثك علي الاكتاف طاح ارجود
كل ماذكرته مايكونش حايل ......... بيني وبينك ياعزيز اعهود
وانكان مالقيتش في غرامك طايل ...... تبقالي شماته في عيون حسود
وبعدها نخلي دمعتك تسايل ...... ردة كفايه والكفا مردود
تزحف علي ركبيك ماني سايل ..... اتجيني امسلم نحسبك مطرود
ايجيني خبر موتك انعدك ضايل ...... مجهول الهويه والسجل مفقود
هذه قصيدة للشاعر المرحوم : عبدالله قراب المعروف باسم ( ابوريان )
الذي استشهد في مدينة مصراته من قبل كتائب الطاغية المقبور
اللهم ارحم شاعرنا واجعله من الشهداء الابرار
يقول الشاعر :
عندي عليك اشهود ..... اسلام ومسيح وبعض من اليهود ... وين تنكري
*****
عندي عليك اثبات ............ وعندي اوراق وفيه مستندات
وعندي محامي موكله بالذات ...... اسماه قلب من بين الحشا موجود
وعندي خلايا موش مرئيات ........ في جهاز المناعه واقفات اسدود
وعندي اكبيده تدقل ماتبات .......... تحلف عليها ناشها سمهود
وعندي اعصابي باعثه اشارات ..... نهلوس نغيب اشوي عالوجود
وعندي التنهيده اتجي زفرات ....... يغيب النفس ويرد لي اردود
وعندي وعندي شوق من حاجات ..... ماتنتسى وموثقه بالكود
*********
عندي عليك دلايل .................. اللي تنكره موجود ليه بدايل
وعلي عد ماداروا السيخ زمايل ..... واتباع موسى حرفوا التلموذ
وقداش النصارى قزنوا العوايل ..... والبيض كم استعبدوا من السود
وقداش ملحد للطبيعه مايل ....... وناكر اوجود الله بالمقصود
والتبت والهندوس ماني قايل ...... اعبدوا البقر ويسجدوا للبود
وحق من خلق فيك العيون ذبايل ..... وغثيثك علي الاكتاف طاح ارجود
كل ماذكرته مايكونش حايل ......... بيني وبينك ياعزيز اعهود
وانكان مالقيتش في غرامك طايل ...... تبقالي شماته في عيون حسود
وبعدها نخلي دمعتك تسايل ...... ردة كفايه والكفا مردود
تزحف علي ركبيك ماني سايل ..... اتجيني امسلم نحسبك مطرود
ايجيني خبر موتك انعدك ضايل ...... مجهول الهويه والسجل مفقود
