ما تشيل ف بالك

ما تشيل ف بالك


ما تشيل ف بالك .... عدي مسامح دير ما يحلالك
انكنك نويت الهجر

*****************************

ما تشيلش حاجه .... في بالك وما تعكر جديد مزاجه
مانكش الاول بيه نا انتفاجا .... جربت واجد حالهم كي حالك
من يوم يومه دوم فوق عجاجه .... الخاطر ولا من قبل ريته هالك
واجد زرع وما لحقش انتاجه .... جنوه ناس لقيو سوق واجد سالك
واليوم يا غالي يعود ادراجه .... وانت مع غيري انظن اولالك

*****************************

ما تشيل ف بالك .... عدي مسامح دير ما يحلالك
انكنك نويت الهجر

*****************************

ما تشيل اذنوبي .... نا مسامحك ياللي دفرته صوبي
يا لندرا جافيتني بعيوبي .... ولا جديدك تم كيف خيالك
ونا الياس داير غير دابه دوبي .... اللي تم كي ظلي وهذا فالك
وخليك صاحي دوم يا محبوبي .... من غدر غالي دايره راس مالك
وخليك فاكر وين هي دروبي .... بالك يردك ساس جاء في قبالك

*****************************

ما تشيل ف بالك .... عدي مسامح دير ما يحلالك
انكنك نويت الهجر

****************************


للشّــــآعر المتألق :: سيف الاســــلام عقـــوب



لكم تحيااتى