طريقة مضمونة ومجربة للحصول علي عريس
عزيزتي الفتاة لو مللتي الانتظار اليك بعض الطرق المجربة لتطييح احد الشباب وجره الي قفص الزوجية:
- حددي الهدف( الشاب) ولازم تكوني دقيقة في اختيارك .. يعني ما تحطيش عينك علي واحد صقع عليك لان الكتكوت للكتكوته.
- بعد ما تكوني اخترتي الضحية شغلي منظومة القصقصة واعرفي عليه كل شي .
- الآن عليكي التواجد باماكن تواجده قدر الامكان ( لكن من غير صياح وضحك بصوت عالي بش تلفتي انتباهه)
- لما يبدي واقف قريب افلتي عيونك في اتجاهه لين ينصهد ويشوف جيهتك انتي في هاذيكا اللحظة اقلبي وجهك كأنك مش انتي اللي كنتي تشبحيله.
- اتعرفي علي حد من معارفه وخليه يعرفك عليه..وطبعا ارزني .
- بعد مدة قصيرة من المعرفة السطحية وصباح الخير وصباح النور .. افتعلي موقف محزن.. يعني تعالي حزينة وديري روحك تبكي وخليه يشوفك.. حيجي يكلمك ويفتح موضوع .. وبعدها علاقتكم مش حتكون سطحية.
-خليك غامضة شوية مش فضايحك كلهم تحكيهم قدامه.. وخليك هادية قدامه ..وكبريله راسه شوية كانك اول مرة تشوفي حد بمواصفاته..لكن في نفس الوقت ما تطحيش سعد روحك.. وردي بالك تكوني ساهلة..خليك معقدة وراسك مسكر كان تبيه حق ياخذك.. وخليك اغبي منه حتي لو كنتي فلتة.. والجو متاع حتي الدحية ما نعرفش نقليها ..وجو ندير في البازين والعصبان حتي هو فوتيه لانه حيجي علي راسك .. خليك وسط في الفلاحة.
وبعدها انتي وشطارتك .. لو قدرتي تلعبيها صح في غضون اشهر قليلة حتحكمي السيطرة عليه ولو امه داعية عليه بأذن الله هو من نصيبك.
النصائح مقدمة من جمعية( عريس في الايد.. خير من شهادة علي الحيط) لشؤون المرأة .
تحياتي
عزيزتي الفتاة لو مللتي الانتظار اليك بعض الطرق المجربة لتطييح احد الشباب وجره الي قفص الزوجية:
- حددي الهدف( الشاب) ولازم تكوني دقيقة في اختيارك .. يعني ما تحطيش عينك علي واحد صقع عليك لان الكتكوت للكتكوته.
- بعد ما تكوني اخترتي الضحية شغلي منظومة القصقصة واعرفي عليه كل شي .
- الآن عليكي التواجد باماكن تواجده قدر الامكان ( لكن من غير صياح وضحك بصوت عالي بش تلفتي انتباهه)
- لما يبدي واقف قريب افلتي عيونك في اتجاهه لين ينصهد ويشوف جيهتك انتي في هاذيكا اللحظة اقلبي وجهك كأنك مش انتي اللي كنتي تشبحيله.
- اتعرفي علي حد من معارفه وخليه يعرفك عليه..وطبعا ارزني .
- بعد مدة قصيرة من المعرفة السطحية وصباح الخير وصباح النور .. افتعلي موقف محزن.. يعني تعالي حزينة وديري روحك تبكي وخليه يشوفك.. حيجي يكلمك ويفتح موضوع .. وبعدها علاقتكم مش حتكون سطحية.
-خليك غامضة شوية مش فضايحك كلهم تحكيهم قدامه.. وخليك هادية قدامه ..وكبريله راسه شوية كانك اول مرة تشوفي حد بمواصفاته..لكن في نفس الوقت ما تطحيش سعد روحك.. وردي بالك تكوني ساهلة..خليك معقدة وراسك مسكر كان تبيه حق ياخذك.. وخليك اغبي منه حتي لو كنتي فلتة.. والجو متاع حتي الدحية ما نعرفش نقليها ..وجو ندير في البازين والعصبان حتي هو فوتيه لانه حيجي علي راسك .. خليك وسط في الفلاحة.
وبعدها انتي وشطارتك .. لو قدرتي تلعبيها صح في غضون اشهر قليلة حتحكمي السيطرة عليه ولو امه داعية عليه بأذن الله هو من نصيبك.
النصائح مقدمة من جمعية( عريس في الايد.. خير من شهادة علي الحيط) لشؤون المرأة .
تحياتي