زعما الزمن تغير والا احنا اللي تغيرنا..؟؟
كنا نقولوا للضيف تفضل في اي وقت .. وتوا بدينا نقولوا اتصل قبل ماتجي
قبل كنا نقولوا مرحبا بيكم الصغير قبل الكبير .. بدينا نقولوا جنة الأطفال حياشهم
كنا نقولوا الجار قبل الدار ..بدينا نقولوا صباح الخير مساء الخير ياجاري انت في حالك وانا في حالي
قبل كان عرسنا سبعة ايام وسبعة ليالي .. توا بدينا يوم واحد وهلبا
قبل كان العيد تعيد من حوش لحوش .. توا بدينا نعيدوا بالمسج
قبل كانت العالة مقعمزة في كل حوش.. توا براد و زوز طواسي اشرب وروح